Jeg

2010-mi pillorissaassutut ilinniakkannik naammassivunga.

1979-mi Danmark-imi inunngornerma kingorna Kalaallit Nunaanni peroriartorpunga.  Pingaarnertut innarluutililerinermut sammisuni sulisarsimavunga. Christina Ergoterapi 2018-imi tunngavilerneqarpoq.

Ilinniagara siammasissuuvoq, anguniagaralu erseqqilluarpoq:

Oqaaseq ERGOTERAPI (pillorissaasoq) grækerit oqaasiinit aallaaveqarpoq, oqaatsip aallartiffia ergon isumaqarpoq “sulineq” taavalu terapi isumaqarluni “ajornartorsiummik aaqqiineq”. Ergoterapi (pillorissaaneq) pineqaraangat sungiusaqqinneq pineqartarpoq aammalu – inuk – inunnguutsimigut imaluunniit innorluutigilikkaminik – ulluinnarni inuunermigut unammillernartunik aqqusaagaqarsimatillugu, timikkut eqqarsartaatsikkullu sungiusarnikkut, ulluinnarni piginnaasanik nakussassaaqqinnerulluni.

Inunnik sullissineq nuannarilluinnartuuvara 💚

Nukappiaqqanut sisamanut anaanaavunga, taakku – inuttulli allatuulli – annerusumik minnerusumilluunniit namminneq inuunerminni aqqusaakkamikkut, aqqutissiunneqartariaqartunik nalaataqartarput.