Qinngorneq atorlugu katsorsaaneq

Klinikki-mi Nuummiittumi atortorissaarut Fisioline og Lumix -meersoq teknologi nutaalialluinnartoq atorlugu, qinngorneq atorlugu katsorsaanermik neqerooruteqarpugut. Qinngorneq atorlugu katsorsaaneq qajassuussisumik sunniuteqarluartumillu katsorsaariaasaavoq, anniarisanik nipaallisaatitut atorneqartarpoq, aseruuttoornernik annikillisitsisarpoq aamma timimi pissusissamisoortumik mamikkiartortitsisarluni –nakorsaatinik atuinertaqanngilaq aammalu sunniutipiloqarnani.

Qinngorneq atorlugu katsorsaaneq pissutsinut/qanoq-issutsinut assigiinngitsorpassuarnut katsorsaatigissallugu piukkunnartorujussuuvoq, ilaatigut soorlu.:

Naggussani nungullartoorluni gigt-i; seeqquni, siffissani aamma assani
Qitikkut anniaatit aamma saarnit qumarsimaneri
Timersornermi ajoquserneq aamma nukkilisitsineq
Sianiutini anniaatit aamma niaqorlunnernit sukattoortitsinerit
Qileqqut aamma ikinik mamisaanerit
Nukini aamma naggussani aseruuttoornerit

Qinngorneq atorlugu katsorsaaneq sunut AAMMA iluaqutaava?

Lumix®-mik qinngorneq atorlugu katsorsaaneq makkununnga iluaqutaavoq:

Anniaatit immikkuullarissut aamma sianiutini sunnertissimassutaasartut

Kaportitsisumik kiinnami anniaatit (Trigeminusneuralgi – kiinnami sianiutini anniarneq)
Alleqqumi anniaatit aamma sukattoortitsinerit (saverortitsinerit imaluunnit uippakajaarnermik peqqutilimmik)
Migræne (sianiutiniit niaqorlorujussuarneq) & sukangatitsilluni niaqorlunneq (Tunusummi aamma qaakkut anniaatit)
Avinneqarsimanermit (helvedesild) sianiutitigut ajoqusernerit (Amikkut annernartumik anillannernit, sivisuumik sianiutitigut anniaataasinnaasut)

Nukeruani- aamma nukini ajornartorsiutit

Kimmiup ajulorsuatigut aseruunneq (kimmiup tunuatungaatigut anniaatit)
Ikusilunneq (Tennis- & golfalbue) (Ikutsip avammut sammerngani imaluunniit ilummut sammerngani anniarneq)
Isikkami kimmiup ataani anniarisaq
Assaqqup nukiani anniarisat (katsuaq)
Uppatini aamma nakasunnaat nukiini nukkilisitsineq
Seeqqup tunuatigut imaluunniit seeqqup qalequtaatigut anniarisat
Nukerussani aamma nukini aseruuttoornerit (nukkilisitsiniugajuttoq)

Ikinik aamma qileqqunik mamisaanerit

Sukkortuunermi ikit kigaatsumik maminniaasaartartut imaluunniit tpussortorneq (nalaannartumi timikkut ikeqalerneq, niumi iki)
Napisimanerup kingorna saarngup mamikkiartorluartitsiniarnerit
Qileqqunik aamma pilatsissimanerup kingorna mamisitsiniaanermik katsorsaaneq

Katsorsaaneq, inunni tassanngaannartumik ajoqusersisuni, nukkilisitsinerni, sivisuumik pigisamik (anigorsinnaanngisamik) anniaateqarnerni imaluunniit nukini aamma naggussani anniaatini allani, sunniuteqarluarnerpaasarpoq

Katsorsaaneq qanoq ingerlanneqarajuttarpa?

Qinngorneq atorlugu katsorsaaneq:

Aallartisaatitut qulaajaaqqaarneq: Katsorsartinneq aallartitsinnagu, qulaajaanertalimmik naapeqatigiinneqaqqaassaaq, tassani inissisimaffinni malunniutaasut eqqartorumaarpagut, ajoqusersimasinnaanitit aammalu katsorsartinnissavit siunertaa eqqartorumaarparput. Taamaasilluta qinngorneq atorlugu katsorsartinnissat, illit pisariaqartitavinnut tulluarsarsinnaaniassagatsigut, ilinnullu iluaqutaasinnaanissaa qulakkeerniarlugu

Katsorsatinnissamut piareersaateqarneq: Katsorsartinninni ilinnut iluarusunnartumik inissisimatinneqarumaarputit. Katsorsartiffissavit nalaa qaammartitsivigineqarumaarpoq, taamaasilluni qinngorfigineqartussaq eqqorlugu toraarneqarniassammat

Qinngorneq atorlugu katsorsartinneq: Qinngorneq atorlugu katsorsartinnermi atortorissaat Lumix® C.P.S.® L.Plus1001HP katsorsaatigaarput, katsorsaat qinngorneq sakkortooq, inngia 1200W-mik sakkkortussusilik. Qinngornera qaamanernik maligaasiortulik, timimi ipiutaasartaanut sunniuttartoq taamaasiornermilu celle-nut/timimi sananeqaatinut sunniuttartuulluni, timimi pissusissamisoortumik mamikkiartortussat ineriartortittarlugit. aseruuttoornerit annikillisittarlugit, anniaatillu nipaallisittarlugit. Katsorsartinneq timimut pitarsineq ajorpoq Amerlasuut katsorsartiffiup nalaa iluarusunnartumik kissatsittutut malugisarpaat.

Katsorsartereersimanerup kingorna: Katsorsartinnerup kinguninngua iluaallatsitsineq malugisinnaavat imaluunniit ullut tulliit ingerlarngani pitsanngoriartorneq malugisinnaallugu. Sunniuteqarluarnerpaanissaa eqqarsaatigalugu 5-niit – 10-it tungaannut katsorsartinnissaq kaammattuutigisarparput

Akit aamma katsorsaanermik ingerlatseriaaseq

5-it 12-llu akornanni katsorsartinnissaq kaammattuutigigajuttarparput, qanoq-issuseq sunalu katsorsartariaqarnersoq, sivisussusaalu apeqqutaatillugu.

Katsorsaaneq	Ataasiarneq	Katillugu aki
Katsorsartinneq ataaseq	700 kr	700 kr
5 x klippekort-i	600 kr	3.000 kr
10 x klippekort-i	630 kr	6.300 kr

Klippekort-imik pisinermi 1000 kr.-ip tungaanut siparuteqassaatit.

⚠️

Qinngorneq atorlugu katsorsartinnissamut aporfiusinnaasut aammalu isumannaassusaa

Laserbehandling med Lumix® er en kraftfuld og effektiv metode til smertelindring og vævsheling. Isumannaatsumiillutit misigisimanissat aamma katsorsartinnerup pitsaassusaa qulakkeerniarlugu, er pissutsini makkunani, qinngorneq atorlugu katsorsartinnissaq innersuunneqanngilaq.

Qinngorneq atorlugu katsorsartinnissaq makkunani ingalassimaarfigineqartariaqarpoq:

Naatunermi (ingammik naat aamma makisik)
Nappaassuarmik eqqugaasimagaanni imaluunniit nappaassuarmik eqqugaasimanissaq pasitsaanneqarsimappat
Epilepseqaraanni (noqartartuugaanni)
Nappaammik tuniluuttumik atuinermi imaluunniit kissarneqarnermi
Tuberkulose-qaraanni
Uummatikkut perulunnartumik nappaateqaraanni
Pacemaker-eqaraanni imaluunniit timimi allanik sarfalersukkanik ikkussivitiginnikuugaanni (Toqqaannartumik qinnguartaaffigineqassanngilaq)
Aanaarujussuartarnernik ajornartorsiuteqartaraanni imaluunniit aammut arrorsaatinik katsorsaateqaraanni
Milikartoornerit (taqqamik milittoornerit)
Torluup saani qinersip qulaatungaaniittup nalaa
Isitigut toqqartumik (Isarussat illersuutit atorneqartuaannartarput)

Piareersimaffigineqartussat pingaarutillit:

Katsorsaasoq aamma katsorsartittoq tamarmik isarussanik illersuutinik atisisimassapput
Kakiortinnerit nalaasigut katsorsartinnissaq ingalassimaarfigineqassaaq aamma ammip taartunngorfigisimasaani annertussusissaa/sivisussusissaa mianersuunneqassaaq
Amimi ipiitsumi, iimikkut tarnutinik creme-nik taninneqanngitsuni katsorsartinneq ingerlanneqartassaaq

Qularuteqarpit, qinngorneq atorlugu katsorsartinnissaq ilinnut tulluartuunersoq? Attavigisigut –Inummiit inummut immikkuullarissumik nalilersuijuartarpugut, katsorsartinnissaq isumannaatsuunersoq aamma ilinnut naleqquttuunersoq.

Piffissamik inniminniiguit

Katsorsarteqqaalinnginninni elektronisk-imik paasissutissanik immersuitinneqaqqaarumaarputit, tamatuma qulakkissaavaa, paasissutissat peqqissutsinnut tunngassutillit pingaaruteqartut tamaasa pissarsiarisimanerivut.Tamatumani nalilersorneqassaaq, qinngorneq atorlugu katsorsartinneq ilinnut naleqquttuunersoq, katsorsartinnissallu isumannaatsumik ingerlanneqarsinnaanersoq.

Taamatuttaaq, katsorsaanissatta aallartinnginnerani allaganngorlugu akuersissummik tunniussissaatit.